मोटोपन घटाउने उपायहरु
- यदि तपाइलाई पेटको कुनै रोग छैन भने बिहान उठ्ने बित्तिकै मनतातो पानीमा कागतीको रस राखेर पिउँदा पेटको बोसो घट्छ ।
- बिहान काँचो लसुन खाने बानी गर्नुहोस् । यसले शरीरलाई निकै फाइदा गर्छ । बिहान लसुनको दुई या तीन पोटी चपाएपछी तातोपानी कागती हालेर पिउनाले बासो घटाउन मद्दत गर्छ । यसबाट मोटोपन घट्ने प्रक्रिया दोब्बर हुन्छ। शरीरको रक्तप्रवाह पनि सुचारु हुन्छ ।
- खानामा दालचिनी, अदुवा, लसुन र मरिच प्रयोग गर्दा पेट बढ्ने सम्भावना कम हुन्छ । यसले तपाईको इन्सुलिन क्षमता बढाउँछ र चिनी मात्रा पनि कम गर्छ ।
- शारीरिक परिश्रमका आधारमा खाना खानुहोस । धेरै काम गर्नुहुन्छ भने धेरै खाना जरुरत पर्छ ।
- खाना खाँदा उमेरको पनि ख्याल गर्नुहोला । बढ्ने उमेरमा खानाको आवश्यकता बढी पर्छ । यदि ४० वर्ष पार गर्नुभएको छ भने चिकित्सक वा डाइटिसियनको सल्लाहअनुसार खाना खानु राम्रो हुन्छ ।
- बिहानको खाना धेरै खादा फरक पर्दैन ।
- खानामा फल र सागसब्जी खानुहोस् । बिहान—बेलुका एक कचौरा फल र सागसब्जी खानु स्वास्थ्यका लागि फाइदाजनक हुन्छ । यसबाट पेट भरिन्छ र एन्टीअक्सिडेन्ट, खनिज र भिटामिन पनि प्राप्त हुन्छ ।
- दिउँसो खाजाको रुपमा फलफुल, बदाम भुटेको मकै आदि राम्रो मानिन्छ । बदाममा भिटामिन इ तथा प्रोटिनका अलावा फाइबरको मात्रा अधिक हुन्छ । यसको सेवनले पेट लामो समयसम्म भरिएको अनुभूति हुन्छ । यसमा क्यालोरीको मात्रा बढी भएपनि मोटाई बढाउँदैन ।
- यदि पेटको बोसो कम गर्नुछ भने मिठाईबाट टाढा रहनुहोस् यस्ता खाद्य पदार्थले शरीरमा अतिरिक्त बोसो जम्मा गर्छ । यस्तो बोसो पेट र तिघ्राजस्ता शरीरका विभिन्न भागमा जम्मा हुने गर्छन् । पेटको बोसो कम गर्न धेरै पानी पिउनुहोस । यो निकै लाभदायी हुनेछ ।
- नियमित अन्तरालमा पानी पिउनाले मेटाबोलिजम बढ्छ र शरीरबाट विषालु पदार्थ निस्कनमा मद्दत गर्छ । यसबाट शरिर स्वस्थ रहन्छ ।
No comments:
Post a Comment