मधेशी मोर्चाका नेताहरु वार्ताबाट सहमति खोज्नुको साटो भारत गुहार्नतिर लागेका भए पनि प्रमुख तीन दल नेपाली कांग्रेस, एमाले र एमाओवादीले मधेसी मोर्चासँग निर्णायक वार्ता तथा सहमतिका लागि तीन बुँदे साझा प्रस्ताव तयार गरेका छन् ।
बालुवाटारमा मोर्चासंगको वार्ता भाँडिएपछि बसेको तीन दलका शीर्ष नेताहरुको बैठकले तीन बुँदे अवधारणा पारित गरेको हो ।
तीन बुँदेमा समानुपातिक समावेशी सहभागिता र निर्वाचन क्षेत्र निर्धारणका सम्बन्धमा संसद्मा दर्ता भएको विधेयकलाई अघि बढाउने, प्रदेशको सिमांकन सम्बन्धमा छलफल तथा राजनीतिक सहमतिका आधारमा संविधानमा व्यवस्था गर्ने र त्यसका लागि राजनीतिक समिति बनाएर तीन महिनाभित्र टुंगो लगाउने र आन्दोलन फिर्ता लिन सम्बन्धित दलहरुलाई आग्रह गर्ने उल्लेख छ ।
यही तीन बुँदे सहमतिका आधारमा तीन दलले मधेसी मोर्चासँग निर्णायक वार्ता गर्नेछन् । तीन दलको तीनबुँदे प्रस्ताव यस्तो छ-
१. समानुपातिक समावेशी सहभागिता तथा निर्वाचन क्षेत्र निर्धारण सम्बन्धमा संबिधानमा संशोधनका निमित्त संसदमा दर्ता भएको संशोधन विधेयकलाई संशोधनार्थ प्रक्रिया अघि बढाउने ।
२. प्रदेशको सिमाङ्कनका सम्बन्धमा छलफल र राजनीतिक सहमतिका आधारमा संबिधानमा व्यवस्था गर्ने, त्यसका लागि राजनीतिक समिति गठन गरी तीन महिनामा टुङ्गो लगाउने ।
३. आन्दोलनरत दलहरुलाई आन्दोलनका कार्यक्रमहरु फिर्ता लिन आह््वान गर्ने ।
Reference:
http://www.nepaljapan.com/
No comments:
Post a Comment